الیکشن کمیشن آف پاکستان (ای سی پی) نے جمعرات کو اعلان کیا کہ عام انتخابات جنوری 2024 کے آخری ہفتے میں ہوں گے۔
ایک بیان میں الیکشن کمیشن نے کہا کہ اس نے حلقہ بندیوں کے کام کا جائزہ لیا اور فیصلہ کیا کہ حلقہ بندیوں کی ابتدائی فہرست 27 ستمبر کو شائع کی جائے گی۔
کمیشن نے کہا کہ حلقہ بندیوں سے متعلق اعتراضات اور تجاویز سننے کے بعد حتمی فہرست 30 نومبر کو جاری کی جائے گی۔ اس میں کہا گیا ہے کہ 54 روزہ انتخابی مہم کے پروگرام کی تکمیل کے بعد جنوری کے آخری ہفتے میں انتخابات کرائے جائیں گے۔
