اسرائیل نے جب سے فلسطین پر قبضہ کیا ہے ،اسرائیل کی فلسطینیوں کے ساتھ دہائیوں سے جاری نوآبادیاتی اور مذہبی جنگ اب یہودی جنگ میں تبدیل ہوگئی۔ یہ جنگ جہاں فلسطینیوں پر ظلم ستم کے پہاڑ توڑ رہی ہے وہاں اسرائیل کے اندر متعدد نسل کےیہودیوں کے درمیان بھی ایک لاوہ کی شکل میں آگے بڑھ رہی ہے۔ اسرئیلی شہریوں میں سیکولر اور کٹرمذہبی یہودی کی خلیج ہر گزرتے دن بڑی ہو رہی ہے ۔
اسرائیل کے شہری اس وقت سیکڑوں ہزاروں کی تعداد میں حکومت کے خلاف سڑکوں پر مارچ کرتے نظر آتےہیں،ان کو احتجاج کا حق دیتے ہوئے صدر نے کہا ہےکہ ایک کھائی کے کنارے کھڑے رہیں درحقیقت یہ احتجاج اب اس نہج تک پہنچ گیا ہےکہ سرکردہ مبصرین نے خبردار کیا ہے کہ خانہ جنگی شروع ہو چکی ہے۔
اسرائیل میں یہ گرما گرم کشمکش بنیادی طور پر دو قسم کی صیہونیت کے درمیان ہے، 1967 سے پہلےوالی اور بعد کی صیہونیت۔ دوسرے الفاظ میں زیادہ لبرل اور سیکولر صیہونیت اور زیادہ جنونی اور فاشسٹ صیہونیت اس کشمکش کے فریق ہیں۔
جب کہ اس قسم کی صیہونیت گزشتہ پانچ دہائیوں میں اپنے اختلافات کو ختم کرنے میں کامیاب رہی تھی، اسرائیل کے یہودی بالادستی کے گہرے ہوتے ہوئے قبضے اور نسل پرستی کے نظام نے اسرائیلی معاشرے کے اندر موجود انتہا پسند عناصر کو بڑھا دیا ہے۔یہ چھ جماعتوں کے ایک نئے حکومتی اتحاد کے قیام پر بھی اختتام پذیر ہوا ہے، جن میں سے پانچ “مذہبی” ہیں جو کہ یا تو الٹرا آرتھوڈوکس و الٹرا صیہونی یا دونوں ہی ۔
حکومت اسرائیلی معاشرے کے کٹر انتہا پسند اور نسل پرست عناصر میں سے ایک ہے۔ جو کہ اسرائیل کی عدلیہ کو اس کی پارلیمانی اکثریت کے تابع کر کے یہودی اشتراکی جمہوریت کو ایک جنونی یہودی آمریت میں تبدیل کرنے کے لیے پرعزم ہے، جس کے نتیجے میں اس کے نظام حکومت کو تبدیل کرنے کی راہ ہموار ہوتی ہے۔
1948 میں ایک آباد کار نوآبادیاتی ریاست کے قیام کے بعد اسرائیل کے رہنماؤں نے قانونی جمہوری عمل کے ذریعے اپنی مختلف تارکین وطن برادریوں کے درمیان تناؤ کنٹرول کیا۔ امریکہ، کینیڈا اور آسٹریلیا جیسی دیگر آباد کار ریاستوں کے نقش قدم پر چلتے ہوئے عراقی اور پولش، یا مراکش اور روسی تارکین وطن کمیونٹیز کے درمیان اختلافات کو اس واحد طریقے سے ختم کیا۔ یہ کہنے کی ضرورت نہیں کہ اس کا اطلاق اسرائیل کے فلسطینی شہریوں پر نہیں ہوا، جو 1966 تک براہ راست فوجی کنٹرول اور بندوق کے سائے تلے زندگی گزارنے پر مجبور تھے۔
اس پیریڈ کے دوران سیکولر اشکینازی اشرافیہ نے لیبر تحریک پر توجہ مرکوز کی اور فلسطین کے ابتدائی سیٹلمنٹ کے معاہدے کو اپنی قیادت میں پورا کیا ۔انہیں قدامت پسند اور مذہبی گروہوں پر فوقیت حاصل تھی اور وہ زمینوں کے مالک بن گئے ۔
لیکن 1967 کی جنگ نے اسے بدل دیا۔ مشرقی یروشلم پر قبضے اور آباد کاری اور بقیہ نئے زیرقبضہ علاقوں نے تب سے مسیحی، جنونی، اور انتہائی قوم پرست اسرائیلیوں کو پرجوش اور متحرک کر دیا۔ان کی تحریک پہلی بار 1977 میں اقتدار میں آئی، جس کی حمایت پسماندہ سیفرڈک یہودیوں اور چند لیبر لیڈروں نے کی جو اسرائیل کی عظیم سرزمین یا تمام تاریخی فلسطین پر مکمل کنٹرول کا خواب دیکھ رہے تھے۔
اس کے بعد سے اقتصادی اور فوجی مدد کی صورت میں امریکی تعاون سے بنیاد پرست اسرائیلی حق کو انتہائی تیزی ملی ہے۔ اور حال ہی میں جنونی اسرائیل کے عربوں اور فلسطین اتھارٹی کی حمایت نے ان کی نسل پرستی کو مزید سخت کر دیا۔ فلسطینی اتھارٹی اسرائیل کی نسل پرستی کو تحفظ فراہم کرنے کے لیے اپنے ہی لوگوں پر جبر کر رہی ہے اور اس کو اسرائیل کی ضرورت بنا رہی ہے۔
فلسطین میں غیر جمہوری اور مطلق العنان عرب حکومتوں کی یہودی نوآبادکاری کو تسلیم کرنے اور یہودی حکمرانوں کی خوشنودی حاصل کرنے کی غرض نے ان کی جنونیت اور وحشی پن کو جواز بخشا ۔ اس طرح یہودیوں نے اپنی توسیع پسندانہ پالیسیاں مزید تیز کردیں۔جیسا کہ سیکڑوں غیر قانونی یہودی بستیوں میں لاکھوں آباد کار پورے فلسطین میں پھیلے ہیں
جب وزیر برائے قومی سلامتی Itmar Ben-Gvir کے حامی ہتھیار اٹھانے کے ان کے مطالبے پر عمل کرتے ہیں، تو وہ ہتھیار نہ صرف فلسطینیوں کے خلاف استعمال کیے جائیں گے بلکہ سیکولر، لبرل اسرائیلیوں کے خلاف بھی استعمال کیے جائیں گے جنہیں وہ کسی سے کم نفرت نہیں کرتے۔ اگر نیتن یاہو کا جابرانہ انداز حکومت نہ ہوتا تو نیشنل یونٹی، اسرائیل بیتی نو اور حتیٰ کہ یش عطید پارٹیاں بھی جوش و خروش سے ایک زیادہ سیکولر مخلوط حکومت میں شامل ہو سکتی تھیں جن کی قیادت بنیاد پرست دائیں بازو کی پارٹی، لیکود کے رہنما کر رہے ہیں۔