امریکی حکام کا کہنا ہے کہ امریکا نے شمال مشرقی شام میں ایک مسلح ترک ڈرون کو اس وقت مار گرایا جب اس نے حسقہ کے قریب اہداف پر بم گرائے تھے اور امریکی افواج کے لیے خطرہ بننے کہ کافی قریب پہنچ گیا تھا.
حکام کا کہنا ہے کہ ڈرون کو مار گرانے کا حکم ترک فوجی حکام کو ایک درجن سے زائد کالوں کے بعد دیا گیا جس میں کہا گیا تھا کہ امریکی افواج علاقے میں موجود ہیں اور اگر ڈرون نہیں جاتا تو امریکی فوج اپنی حفاظت کے لیے کارروائی کرے گی۔
ایک اہلکار نے تصدیق کی کہ اگرچہ ڈرون نے امریکی فوجیوں کو نشانہ نہیں بنایا، تاہم یہ “غیر محفوظ” انداز میں پرواز کر رہا تھا۔ ڈرون مار گرانے پر ترکی کی جانب سے فوری طور پر کوئی تبصرہ نہیں کیا گیا۔
