امریکہ نے کہا ہے کہ وہ اپنی سرزمین پر ایک سکھ علیحدگی پسند رہنما کے قتل کی تحقیقات کے لیے کینیڈا کی کوششوں کی حمایت کرتا ہے – جس میں کینیڈانے الزام لگایا ہے کہ بھارت ملوث ہے – اورامریکہ نئی دہلی پر زور دیتا ہے کہ وہ تحقیقات میں تعاون کرے۔
وائٹ ہاؤس کی قومی سلامتی کونسل (این ایس سی) کے ترجمان جان کربی نے کہا کہ “ہم سمجھتے ہیں کہ ایک مکمل شفاف جامع تحقیقات ہی صحیح طریقہ ہے تاکہ ہم سب جان سکیں کہ کیا ہوا، اور یقیناً ہم بھارت کو اس میں تعاون کرنے کی ترغیب دیتے ہیں،” جان کربی، ترجمان وائٹ ہاؤس نیشنل سیکیورٹی کونسل (این ایس سی)، نےسی این این سے بات کرتے ہوئے کہا۔
کینیڈا کا الزام،
جون میں سرے میں سکھ علیحدگی پسند رہنما ہردیپ سنگھ نجار کے قتل پر مرکوز ہے، پیر کے روز اوٹاوا نے اس معاملے پر بھارت کے اعلیٰ انٹیلی جنس ایجنٹ کو ملک بدر کر دیا۔
نجار ایک آزاد خالصتانی ریاست کی شکل میں سکھوں کے وطن کی حمایت کرتے تھے. اور جولائی 2020 میں بھارت کی طرف سے اسے “دہشت گرد” کے طور پر نامزد کیا گیا۔ ورلڈ سکھ آرگنائزیشن آف کینیڈا( کینیڈین سکھوں کے مفادات کی جماعت) کے مطابق، اس نے ان الزامات کی تردید کی تھی۔
کینیڈا نے کہا کہ وہ ہندوستانی حکومت کے ایجنٹوں کو سکھ علیحدگی پسند رہنما کے قتل سے جوڑنے والے سنجیدہ الزامات کی سنجیدگی سے پیروی کر رہا ہے۔
دریں اثنا، وزیر اعظم جسٹن ٹروڈو نے ہاؤس آف کامنز میں ایک ہنگامی بیان میں کہا کہ کینیڈین شہری کے قتل میں کسی غیر ملکی حکومت کا ملوث ہونا ہماری خودمختاری کی ناقابل قبول خلاف ورزی ہے۔
CNN سے بات کرتے ہوئے، کربی نے کینیڈا کے الزام کو “انتہائی سنگین” قرار دیا اور کہا کہ امریکی صدر جو بائیڈن اس الزام کو ذہن میں رکھتے ہیں۔
