سال 2023 میں قوی امید کی جارہی تھی کہ بھارت ایک بڑی سفارتی طاقت کے طور پر ابھرے گا ۔ G-20 فورم اور شنگھائی کوآپریشن آرگنائزیشن (SCO) کی ہندوستان کی صدارت کو اس سلسلے میں نیک شگون سمجھا جا رہا تھا کہ بھارت نہ صرف اپنی ترقی کو ظاہر کرے بلکہ قیادت کے ذریعے عالمی ایجنڈے پر اپنی ترجیحات کو بھی یقیننی بنائے گا۔
یہ ایک ٹیسٹ کیس تھا اور عالمی قیادت کا امتحان تھا۔ جبکہ G-20 ایک عالمی فورم ہے، شنگھائی تعاون تنظیم غیر مغربی ممالک کا ایک چین کے زیر تسلط گروپ ہے، جن میں سے ایک تہائی ممالک ایسے ہیں (چین، روس اور ایران) جن کے امریکہ کے ساتھ مخالفانہ تعلقات ہیں
اعلیٰ سطحی میٹنگز اور آخر میں عظیم الشان فائنل سربراہان مملکت اور حکومتوں کی سربراہی کانفرنس سے توقع کی جا رہی تھی کہ اجلاس میں تمام نظریں بھارت پر مرکوز ہوں گی کہ اسے دنیا میں ایک بڑی طاقت کے طور پر تسلیم کر کے تاج اس کے سر پر سجا دیا جائے گا، اور وزیر اعظم نریندر مودی کو ایک حقیقی عالمی رہنما کے طور پر پیش کرے گا۔ لیکن افسوس کہ تاریخ اس طرح نہیں بن رہی ہے جیسے بھارت کی منشا ہے۔
ہندوستان نے خود شنگھائی تعاون تنظیم سربراہی اجلاس کی اہمیت کو کم کر دیا اور اسے دو روزہ انفرادی نمایاں تقریب سے چند گھنٹے طویل ورچوئل سمٹ تک محدود کر دیا۔ بھارت کے سابق سیکرٹری خارجہ شیام سرن کے مطابق چینی ماہرین کا خیال ہے کہ بھارت نے چین کو کمزور کرنے کے لیے ایس سی او سمٹ کو گھٹایا ہے۔
مزید برآں، اگر شنگھائی تعاون تنظیم کے سربراہی اجلاس میں شی جن پنگ، ولادیمیر پوتن اور نریندر مودی کی تقریروں کو دیکھا جائے اور ان کا حتمی مکالمے سے موازنہ کیا جائے تو چین کا زبردست اثر و رسوخ ظاہر ہو ہوتا ہے کیونکہ روس اور ہندوستان کے بیشتر مسائل کو پس پشت ڈال دیا گیا تھا۔ . مزید برآں، بھارت بھی SCO میں واحد ملک کے طور پر ابھرا جس نے چین کے دستخط شدہ بیلٹ اینڈ روڈ انیشیٹو کی توثیق نہیں کی۔ بھارت ایک ایسے فورم پر الگ تھلگ دکھائی دیتا ہے جس کی وہ صدارت کر رہا تھا جبکہ چین اس کے مرکز میں تھا۔
اگرچہ شنگھائی تعاون تنظیم کا سربراہی اجلاس واضح طور پر اس کامیابی سے بہت دور تھا جس کی ہندوستان کو امید تھی، لیکن G-20 کی صدارت صرف معمولی حد تک بہتر ہے۔ ہندوستان نے مختلف درمیانی سطح کے فنکشنل اجلاسوں میں کامیابی حاصل کی ہے، جیسے سری نگر، کشمیر میں سیاحت پر سمٹ وغیرہ لیکن مارچ میں وزرائے خارجہ اور جولائی میں وزرائے خزانہ کی میٹنگوں میں، G-20 ایک منقسم فورم کے طور پر ابھر کر سامنے آیا اور بات چیت کے اختتام پر متفقہ بیان دینے میں ناکام رہا۔
یوکرین پر روسی حملے پر مغربی ممالک اور باقی ممالک کے درمیان تقسیم نے ہندوستان کے ایجنڈے کو کمزور کر دیا ہے کہ بھارت اس کے علاوہ ہر چیز کو خود اڈریس کرنے کی پوزیشن میں ہے ۔ بھارتی وزراء ساؤتھ گلوبل کے مفادات کو مسائل میں سرفہرست رکھنے کی اپنی کوششوں میں کامیاب نہیں ہوسکے ہیں اور اب نئی دہلی میں یہ خدشہ پیدا ہو گیا ہے کہ ستمبر میں ہندوستانی دارالحکومت میں ہونے والی قومی رہنماؤں کی سربراہی کانفرنس بھی شاید کوئی شاندار نتیجہ اخذ نہ کرسکے۔ ، جیسا کہ چین اور روس سے توقع کی جاتی ہے کہ وہ امریکہ اور اس کے اتحادیوں کو یوکرین کو اہمیت کاحامل بنانے سے روکیں گے، سوہاسینی حیدر، عالمی امور پر ایک ممتاز بھارتی شخصیت ہے اس نے اپنے شو میں ثابت کیا ہے کہ اس بات کا بہت زیادہ امکان ہے کہ پہلی بار جی -20 سربراہی اجلاس اتفاق رائے اور حتمی مکالمے کے بغیر ختم ہوسکتا ہے۔
تاہم، جب بات دو طرفہ دوروں اور تجارتی معاہدوں کی ہو تو، ہندوستان نے کافی کامیابی حاصل کی ہے اور بنیادی طور پر مغربی ممالک میں اپنا مقام بڑھایا ہے۔ اگرچہ ہندوستان گلوبل ساؤتھ کے لیے بات کرنے کا دعویٰ کرتا ہے، لیکن اس کے وزیر اعظم جنوب کے مقابلے شمال میں زیادہ ممالک کا دورہ کرتے ہیں۔ 2023 میں مودی نے آسٹریلیا، جاپان، امریکہ، فرانس، مصر، پاپوا نیو گنی اور متحدہ عرب امارات کا سفر کیا۔ آسٹریلیا، فرانس اور امریکہ کے دورے بہت کامیاب رہے اور بائیڈن انتظامیہ نے مودی کے ساتھ خاص طور پر اچھا سلوک کیا۔
مودی کے بین الاقوامی دوروں کی دو الگ خصوصیات ہیں: ہندوستان کو فوجی سازو سامان فروخت کرنا اور ہندوستانی تارکین وطن کو متحرک کرنا جس میں مودی ایک مقبول بین الاقوامی رہنما کے طور پر پیش ہوتا ہے۔ ہندوستان نے جیٹ انجنوں، ڈرونز اور سائبر صلاحیتوں کے لیے اربوں ڈالر کے معاہدوں پر دستخط کیے ہیں۔ اگرچہ دیگر اشیاء کی رقم معلوم نہیں ہے، صرف ڈرونز کی قیمت 3 بلین ڈالر ہے۔ پیرس کے دورے پر جہاں مودی باسٹیل ڈے کی تقریبات کے مہمان خصوصی تھے، بھارت نے سمندری لڑاکا طیاروں اور آبدوزوں کے لیے 9 بلین ڈالر سے زیادہ کے معاہدے پر بات چیت کی۔
جہاں مودی کو تمام مغربی ممالک میں ہندوستانی تارکین وطن سے تعلق رکھنے والے بہت سے لوگوں نے ویلکم کیا۔وہاں انسانی حقوق کے کارکنوں کی طرف سے احتجاج بھی کیا گیا جنہوں نے اقلیتوں کے حقوق اور مذہبی آزادیوں کے حوالے سے ہندوستان کے مایوس کن ریکارڈ کی طرف توجہ مبذول کروائی۔ گجرات میں مسلم مخالف تشدد میں مودی کے کردار پر بی بی سی کی دستاویزی فلم، جب وہ وزیر اعلیٰ تھے، جس پر بھارت میں پابندی عائد تھی، آسٹریلیا کی پارلیمنٹ میں دکھائی گئی اور امریکہ میں، امریکی کانگریس اور سینیٹ کے 75 سے زائد اراکین نے مودی کے ساتھ بھارت کے انسانی حقوق کے ریکارڈ کا معاملہ اٹھانے کے لیے بائیڈن انتظامیہ کو خط لکھا۔ سابق صدر براک اوباما نے بھی اس مسئلے پر بات کی، بنیادی طور پر بائیڈن انتظامیہ کے مودی فیسٹیول کی زیادہ تر چمک چھین لی۔
صرف وہ ممالک جہاں ان دنوں مودی کو انسانی حقوق کا ذکر کیے بغیر استقبال کیا جاتا ہے وہ آمرانہ ریاستیں ہیں جیسے متحدہ عرب امارات اور مصروغیرہ۔جب کہ ہندوستان میں بہت سے مبصرین دو طرفہ تعلقات میں اس کامیابی کو نام نہاد “مودی جادو” سے منسوب کرتے ہیں.
